小童羸在起跑線,健康脊椎由姿勢「坐」起

日期:2015年7月16日 ( 星期四 )

報章:親子王周刊

標題:小童羸在起跑線 健康脊椎由姿勢「坐」起

愛護孩子脊椎,應從小開始!

Q:Doctor,成日聽D人講話脊椎健康要從小開始注意,好悶呀,有無其他新野?

A:係悶D,不過脊椎健康基礎非常重要,如果想避免或減少痛症出現,就應該要由細細個開始保護脊椎!最大原因係因為小朋友的脊椎係好柔軟,好容易變形,如果係細細個時唔好好保護脊椎,搞到變晒形,咁大個左咪會好辛苦,出現好多痛症囉!

Q:咁有咩因素會令到小朋友嘅脊椎變形?脊椎變形又會有咩痛症同影響?

A:不良姿勢最容易令小朋友嘅脊椎變形。小朋友成日不自覺咁趴係枱度做功課溫書,依D姿勢好容易令頸椎同腰椎移位,日子耐左仲會脊椎變形,嚴重既可能會造成寒背或脊椎側彎症。 脊椎移位會壓住脊椎神經線,小朋友既脊椎係非常敏感,就算只係神經線輕微受壓,都可以令內分泌同荷爾蒙不平衡,影響長高同發育。

Q:原來小朋友脊椎變形係會影響咁大既,我仔仔坐到側晒,點可以幫助佢改善不良姿勢?

A:注意小朋友既坐姿,做功課時要椅子同枱既高度係咪正確,等佢地頭部唔會過份前傾或趴係度做功課;坐係度溫習時,腰有無挺直同有無足夠承托,背要緊貼椅背坐直。如果發現小朋友成日話腰酸頸痛,肩膀好累,咁就要帶小朋友去檢查一下脊骨,好有可能係因為脊椎移位而出現酸痛既情況。